Actualités

Serge Madhère, Michel Ducasse ak Lyonel Desmarattes alonè pou 6èm edisyon Festival

today2024-06-04 4

Arrière-plan
share close

Nan yon kominike Association FEL Caraïbes pataje lajman sou rezo li yo samdi 1e me 2024 la, responsab yo devwale non twa (3) ekriven k ap alonè nan 6èm edisyon Festival Entènasyonal Literati Kreyòl (FEL 2024). Sou tapi donè a, nou jwenn : Serge Madhère (Ayiti), powèt, doktè nan statistik ak metòd rechèch, pwofesè inivèsite Ozetazini ; Michel Ducasse (Lil Moris), powèt, tradiktè literè, jounalis, fòme nan domèn lenguistik ak lèt, epi Lyonel Desmarattes ki se ekriven, jounalis, tradiktè literè, manm Akademi Kreyòl Ayisyen. Daprè menm kominike a, FEL 2024 la ap dewoule soti 3 pou rive 8 desanm 2024 la an Ayiti (Pòtoprens, Gonayiv) epi an liy, jan sa abitye fèt depi kèk ane.

Ekriven ki alonè nan Festival Entènasyonal Literati Kreyòl depi 2019

Chak ane, Festival Entènasyonal Literati Kreyòl mete pwojektè sou de oubyen twa pèsonalite, kote li onore yo pou travay yo ak kontribisyon yo nan dinamik pwomosyon ak devlòpman literati kreyòl. Se okazyon kote festival la asire pwomosyon zèv pèsonalite sa yo epi envite piblik la (re) dekouvri travay yo. Men pèsonalite literè ayisyen ak etranje ki pote deja chapo « Envite alonè » depi kreyasyon evènman an :

2019 : Manno Ejèn, powèt (Ayiti – Kanada) ; Hilario Batista Félix (Kiba), powèt, responsab Depatman kreyòl nan Radyo Leta La Havana Cuba; Yves Marie Seraline (Matinik), ekriven, enjenyè kiltirèl;

2020 : Raphaël Confiant (Matinik), ekriven; Jean Euphèle Milcé (Ayiti), ekriven ; Rodophe Mathurin (Ayiti), ekriven, pwofesè ;

2021 : Pierre Michel Chéry (Ayiti), ekriven, manm Akademi Kreyòl Ayisyen ; Lyonel Trouillot (Ayiti), ekriven, responsab Atelye jedi swa.

2022 : Jo – Anne S. Ferreira (Trinidad & Tobago), lenguis, mèt konferans nan inivèsite Uwi ; Guy Gérald Ménard (Ayiti), powèt, nouvelis, pwofesè nan inivèsite Leta Ayiti, manm Akademi Kreyòl Ayisyen.

2023 : Jean Dédé Dorcély (Ayiti), ekriven, atispent, fondatè branch Sosyete Koukouy Santo ; Gregory Rabess (Ladominik), chantè, konpozitè, ekriven ; Vye Ewòl (Ayiti), powèt, responsab Medikaplant, pwofesè inivèsite nan Florid.

Festival Entènasyonal Literati Kreyòl se premye evènman literati kreyòl nan Karayib la. Se powèt ayisyen Anivince Jean Baptiste ki inisye l epi k ap prezide l depi kreyasyon li an 2019, an patenarya ak Fondation Maurice Sixto, Organisation Martiniquaise pour le Développement des Arts et de la Culture (OMDAC), Sosyete Koukouy, Espas Kreyòl, Eritaj kilti kreyòl, Akademi

Kreyòl Ayisyen… Kreye yon espas echanj ak diskisyon sou literati kreyòl, rasanble ekriven, powèt, entèlèktyèl, atis kominote kreyolofòn yo pou yon bèl anbyans kreyòl, kreye espas pou pwomosyon ak difizyon liv kreyòl, travay globalman pou yon kreyolofoni solid e solidè se kèk pami objektif FEL ap rapousuiv yo.

Frantzley Valbrun

The post Serge Madhère, Michel Ducasse ak Lyonel Desmarattes alonè pou 6èm edisyon Festival first appeared on Rezo Nòdwès.

Écrit par: Viewcom04

Rate it

Articles similaires

Actualités

Un pas vers la modernisation de la justice pénale haïtienne 

Tweet La création des deux (2) Pôles Judiciaires Spécialisés dans la Répression des Crimes et Délits Financiers Complexes, des Crimes de Masse et des Violences Sexuelles : Un pas vers la modernisation de la justice pénale haïtienne  CARDH I. En guise d’introduction   1. Par décret en date du 16 avril […]

today2025-04-26

Actualités

Jeunes filles dans les TIC : une journée pour l’inclusion numérique et l’espoir

Tweet Dans un contexte national marqué par des défis socio-économiques sans précédent, le Conseil National des Télécommunications (CONATEL) s’est associé à l’Union Internationale des Télécommunications (UIT) pour célébrer, ce jeudi 24 avril, la Journée internationale des jeunes filles dans le secteur des Technologies de l’Information et de la Communication (TIC). […]

today2025-04-26 1


Radio Tv Dromage
Résumé de la politique de confidentialité

Ce site utilise des cookies afin que nous puissions vous fournir la meilleure expérience utilisateur possible. Les informations sur les cookies sont stockées dans votre navigateur et remplissent des fonctions telles que vous reconnaître lorsque vous revenez sur notre site Web et aider notre équipe à comprendre les sections du site que vous trouvez les plus intéressantes et utiles.